İsrail-HƏMAS danışıqlarının birinci raundu müsbət yekunlaşıb

Çərşənbə axşamı gecə Misirin Şarm əl-Şeyx şəhərində İsrail və Fələstinin İslamçı HƏMAS təşkilatı arasında vasitəçiliyi ilə keçirilən sülh danışıqlarının birinci raundu başa çatıb. Bu barədə “Reuters” Fələstin rəsmisinə istinadən xəbər verir.

Oktyabrın 6-da keçirilən danışıqlarda HƏMAS digər məsələlərlə yanaşı, girovların azad edilməsi prosesi ilə bağlı baxışlarını, həmçinin İsrail qoşunlarının Qəzza zolağından çıxarılmasının əhatə dairəsi və cədvəlini açıqlayıb. Avropa Birliyi və ABŞ tərəfindən terror təşkilatı kimi tanınan təşkilat həmçinin İsrailin daimi atəşkəs və qoşunların tamamilə çıxarılmasına sadiq qalmasından narahatlığını ifadə edib.

“Dpa”-nın ərəb mediasına, “AFP”-nin isə Misir dövlət mediasına istinadən verdiyi məlumata görə, buna baxmayaraq, danışıqların birinci raundu “müsbət atmosferdə” başa çatıb. Tərəflərin müzakirələri oktyabrın 7-də davam etdirəcəyi gözlənilir.

Şarm əl-Şeyxdə danışıqlar oktyabrın 6-da başlayıb. Bu görüşlərdə tərəflər ilk növbədə ABŞ prezidenti Donald Trampın administrasiyası tərəfindən sentyabrın 29-da təklif olunan Qəzza zolağında müharibəyə son qoymaq üçün 20 bəndlik planı müzakirə edirlər. Digər məsələlərlə yanaşı, HƏMAS-ın əlində olan israilli girovların azad edilməsini və İsrail ordusunun tədricən Fələstin ərazilərindən çıxarılmasını tələb edir. İsrail öz növbəsində ömürlük həbs cəzası çəkən 250 fələstinli məhbusu azad etməlidir.

Almaz Həsənli