Kelloq: ABŞ Ukraynanın Rusiyanın dərinliklərinə zərbə endirməsini qadağan etmir

12:48

Bəyəndim (1) Bəyənmədim (0)

ABŞ prezidentinin xüsusi elçisi Keyt Kelloq “Fox News” telekanalına müsahibəsində bildirib ki, Birləşmiş Ştatlar Ukraynanın Rusiya ərazisinin dərinliklərinə zərbələr endirməsinin əleyhinə deyil.
“Fox News”-un jurnalisti Ceki Henrix Kelloqdan soruşub ki, "Trampin mövqeyi ondan ibarətdirmi ki, Ukrayna Rusiyaya uzaq mənzilli zərbələr endirə bilər və buna prezident icazə verib?". Kelloq cavab verib ki, Trampın, vitse-prezident Cey Di Vensin və dövlət katibi Marko Rubionun sözlərinə əsasən, "cavab bəli"dir.
O, həmçinin xatırladıb ki, Ukrayna prezidenti Vladimir Zelenski BMT Baş Assambleyası çərçivəsində Nyu-Yorkda Trampla görüşü zamanı uzaqmənzilli “Tomaqavk” qanadlı raketlərinin Ukraynaya təhvil verilməsini istəyib, lakin onlarla bağlı qərar hələ qəbul edilməyib.
Almaz Həsənli