ABŞ-ın keçmiş milli təhlükəsizlik müşaviri Con Bolton Rubionun Rusiyaya qarşı sanksiyalarla bağlı açıqlamasını cəfəngiyyat adlandırıb

12:12

Bəyəndim (2) Bəyənmədim (0)

ABŞ-ın keçmiş milli təhlükəsizlik müşaviri Con Bolton dövlət katibi Marko Rubionun Rusiya əleyhinə sanksiyalarla bağlı bəyanatını kəskin tənqid edib. Cənab Rubio bəyan edib ki, ABŞ sanksiyaları yalnız Avropa ölkələri bunu etdikdən sonra sərtləşdirəcək.

"Avropalıları gözləyəcəyik demək, Rusiyaya qarşı sanksiyadan yayınmaqla eynidir" deyə cənab Bolton CNN telekanalında qeyd edib . O hesab edir ki, Vaşinqton Rusiyaya qarşı sanksiyaların sərtləşdirilməsində liderlik etməlidir.

Cənab Rubio daha əvvəl bildirmişdi ki, Avropa ölkələri Rusiyadan böyük həcmdə neft və qaz almağa davam etdikcə, ABŞ Moskvaya qarşı yeni tədbirlər tətbiq etmək niyyətində deyil. O vurğulayıb ki, Rusiyanın enerji resurslarından asılı olan Avropa ölkələri ilk növbədə onların idxalını dayandırmalıdır. Vaşinqtonun fikrincə, Birləşmiş Ştatlar artıq bu cür alışları dayandırsa da, Aİ sanksiyaları təsirsiz hala gətirərək, onlara arxalanmağa davam edir.

Əziz Mustafa