Tayvanda "Raqasa" super tayfunu onlarla insanın həyatına son qoyub

Tayvanın Hualyan qraflığında palçıq bəndinin uçması nəticəsində azı 14 nəfər həlak olub. “The Guardian” xəbər verir ki, daha əvvəl sürüşmə nəticəsində yaranan göl “Raqasa” tayfunun səbəb olduğu güclü yağışlar nəticəsində sahillərini aşıb.
Rayonda 18 nəfər yaralanıb, 124 nəfər itkin düşüb, lakin dəqiq sayı hələlik məlum deyil. Səlahiyyətlilər 3000-dən çox insanı təxliyə edib.
Əsas sel sularının Quanfu şəhərini vurduğu bildirilir. Küçələr palçıq və dağıntılarla örtülüb. Xilasedicilər qurbanları tapmaq üçün qapı-qapı gəzir. Sel suları yerli magistral yolda körpünü də uçurub və qatar stansiyasını su altında qoyub.
“Raqasa” artıq Filippin, Vyetnam və Çinə doğru hərəkət edib. Çində ən azı 10 şəhərdə məktəblər və müəssisələr bağlanıb. Quandun əyalətində ən azı 1 milyon insan təxliyə edilib. Honq Konq hava limanının fəaliyyəti dayandırılıb. Yerli hakimiyyət orqanları ən yüksək tayfun xəbərdarlığını verib və bunun "bir müddət qüvvədə qalacağını" bildirib.
Tayfunun maksimum davamlı küləkləri saatda 200 km-ə çatır. Sinoptiklər artıq "Raqasu"nu 2025-ci ilin ən güclü belə hadisəsi adlandırıblar.
Almaz Həsənli