COVID-19 ilə bağlı ilk məlumat verən çinli jurnalist Zhang Zhang 4 il müddətinə azadlıqdan məhrum edilib

COVID-19 virusunun yayılması ilə bağlı ilk məlumat verənlərdən biri olan çinli jurnalist Zhang Zhang yenidən mühakimə olunub.Bu barədə məlumat verib. Jurnalist 4 il müddətinə azadlıqdan məhrum edilib.

Əvvəlcə o, COVID-19 haqqında reportaj hazırladığına görə həbs edilib, sonra isə hüquq pozuntularını işıqlandırdığı üçün yenidən həbs edilib. Məhkəmə prosesi zamanı diplomatların məhkəməyə buraxılmadığı, bütün detalların gizlədildiyi də bildirilir.

Zhan Zhang, 2020-ci ilin dekabrında Çində "münaqişələri qızışdırmaq və münaqişələri təhrik etmək" ittihamı ilə, həddindən artıq dolu xəstəxanalar və Wuhanın boş küçələri ilə bağlı videoları da daxil olmaqla nəşrlərindən sonra məhkum edildi. Həbs olunduqdan bir ay sonra o, aclıq aksiyasına başlayıb. Lakin vəkillərinin dediyinə görə, onun əlləri bağlanıb və boru vasitəsilə zorla qidalandırılıb.
Zhan 2024-cü ilin mayında sərbəst buraxıldı, lakin üç ay sonra yenidən saxlanılaraq Şanxayın Pudonq həbsxanasına yerləşdirildi. 19 sentyabr 2025-ci ildə ona dörd il həbs cəzası verildi.

Reuters xəbər verir ki, Çin hakimiyyəti heç vaxt Zhangın hansı fəaliyyətlərə görə ittiham olunduğunu açıq şəkildə açıqlamayıb. Zhan Zhang 2021 Mətbuat Azadlığı Mükafatının sahibidir.

Əziz Mustafa