Rusiya FSB sərhəd gözətçi gəmisi sentyabrın 23-də Bakı limanına daxil olacaq

13:39

Bəyəndim (1) Bəyənmədim (0)

Rusiya Xarici İşlər Nazirliyinin sözçüsü Mariya Zaxarova bildirib ki, Rusiya FSB-nin “Rəsul Qəmzətov” sərhəd gözətçi gəmisi sentyabrın 23-də Bakı limanına daxil olacaq və sentyabrın 25-dək orada qalacaq.

Xanım Zaxarovanın sözlərinə görə, səfər Rusiya və Azərbaycan arasında təsdiq edilmiş ikitərəfli əməkdaşlıq planları çərçivəsində həyata keçirilir. Proqrama Xəzər dənizində əməkdaşlığın müzakirəsi üçün hər iki ölkənin sərhəd xidmətləri arasında təmaslar daxildir. Diplomat qeyd edib ki, Rusiya və Azərbaycan tərəfləri regionda təhlükəsizliyin möhkəmləndirilməsində və praktiki əməkdaşlığın inkişafında maraqlıdırlar.

Xanım Zaxarova vurğulayıb ki, Rusiya ilə Azərbaycan arasında təxminən 22 kilometrlik dəniz sərhədi daimi əlaqələndirilmiş monitorinq tələb edir və gəminin səfəri sərhəd xidmətləri arasında əməkdaşlığın davam etdirilməsinə qarşılıqlı sadiqliyi təsdiqləyir.

Oxuməni.az