Akkuyu AES-in birinci blokunun işə salınma tarixləri açıqlanıb

"Anadolu" xəbər verir ki, yaxın vaxtlarda Türkiyədə tikilməkdə olan Akkuyu Atom Elektrik Stansiyasının (AES) ilk enerji bloku işə salınacaq.

“Akkuyu Nüvə”nin baş direktoru Sergey Butskix bildirib ki, hazırda dörd enerji bloku üzərində iş gedir, lakin birincisi prioritetdir.

"Biz istismara vermə işlərini həyata keçiririk. Bu mərhələdə sistemlərin bütün avadanlıqları sınaqdan keçirilir, onların işləməsi yoxlanılır, təhlükəsiz istismar mərhələsinə hazırlıq görülür".

Butskix əlavə edib ki, bu işlər başa çatdıqdan sonra birinci blokda buraxılış mərhələsinə başlanılacaq. Baş direktorun sözlərinə görə, AES sistemlərinin bəziləri normal rejimdə, bəziləri isə təhlükəsizlik sistemi kimi fəaliyyət göstərəcək.

Akkuyu Türkiyənin cənubundakı Mersin vilayətində Rusiya layihəsi ilə tikilir. O, respublikada ilk AES olacaq. AES-in tikintisinə 2018-ci ildə başlanılıb. Tikintisinin 2026-cı ildə başa çatdırılması planlaşdırılır. Akkuyu hər birinin gücü 1200 MVt olan VVER-1200 reaktorlu dörd enerji blokundan ibarət olacaq. Onlar AES-in əsas podratçısı olan Rosatom tərəfindən hazırlanıb. İşin ümumi dəyəri 22 milyard dollar qiymətləndirilir.

Oxuməni.az