Tramp Müdafiə Departamentinin adının Müharibə Departamenti olaraq dəyişdirilməsi haqqında sərəncam imzalayacaq
ABŞ prezidenti Donald Tramp Pentaqonu tarixi adına qaytarmağa hazırlaşır. “Fox News”-un öyrəndiyi kimi, bu gün, avqustun 5-də Ağ Evin rəhbəri, adı Müdafiə Departamentindən Müharibə Departamentinə dəyişdirən bir sərəncam imzalayacaq - departament 1949-cu ildən əvvəl belə adlanırdı.
Tramp və müdafiə naziri Pit Heqsetin qərarı Pentaqonda “hərbi etika”nın formalaşdırılması üzrə geniş kampaniyanın bir hissəsi idi. İcra sərəncamının mətninə əsasən, rəsmi alternativ ad kimi “Müharibə Departamenti” ifadəsindən istifadə ediləcək, Heqsət isə “Müharibə Naziri” adlandırılacaq.
Sənəddə həmçinin departamentin nişanlarının və onlayn resurslarının yenilənməsi, o cümlədən brifinq otağının adının “Pentaqonun Hərbi Qanadı” adlandırılması nəzərdə tutulur. Ağ Ev Amerika hərbi departamentinin yeni imicini möhkəmləndirəcək digər uzunmüddətli layihələrin hazırlandığını vurğulayıb.
Tramp bir neçə həftədir ki, ictimaiyyəti bu addıma hazırlayır.
O, avqustun 25-də jurnalistlərə deyib ki, “Hər kəs Müharibə Departamenti adlananda bizim inanılmaz qələbə tariximizin olmasını sevir”.
Heqset həmçinin qeyd edib ki, bu ad Amerika hərbçilərinin “hücum ruhunu” əks etdirir: “Biz Birinci və İkinci Dünya Müharibəsində Müdafiə Nazirliyi ilə deyil, Müharibə Departamenti ilə qalib gəldik”.
Katibin sözlərinə görə, yeni siyasət Pentaqonu daha sərt, birbaşa ritorikaya qaytarmağa yönəlib: "Biz departamentdə döyüşçü ruhunu bərpa etdik. Bizə döyüşçülər, düşmənə ölümcül zərbə vurmağı bilən insanlar lazımdır".
Tarixən Müharibə Departamenti 18-ci əsrin sonlarından 1949-cu ilə qədər mövcud olub, Milli Təhlükəsizlik Qanununa əsasən islahatların bir hissəsi kimi Müdafiə Nazirliyinə çevrildi. Daimi adın dəyişdirilməsi üçün Konqresin təsdiqinin tələb olunub-olunmayacağı hələ də bəlli deyil, lakin Tramp bunun maneə olmayacağına əminliyini ifadə edib.
Qarşıdan gələn sənəd Trampın ikinci dövründə imzaladığı 200-cü sərəncam olacaq.
Almaz Həsənli
