Zelenski BOK-un yeni rəhbərini Rusiya ilə bağlı prinsipial mövqeyini saxlamağa çağırıb

Ukrayna prezidenti Vladimir Zelenski Beynəlxalq Olimpiya Komitəsinin yeni rəhbəri Kirsti Koventri ilə danışıb. Xüsusilə BOK-un Rusiya ilə bağlı mövqeyini müzakirə ediblər.

Bu barədə Telegram Ukrayna dövlət başçısına istinadən məlumat yayıb.

Zelenski Koventriyə BOK-un Ukraynaya və ukraynalı idmançılara göstərdiyi dəstəyə görə təşəkkür edib.

Prezident xatırladıb ki, Rusiya təcavüzünü davam etdirir və sülhə doğru addım atmır. Xüsusilə, hazırda dünyada idman infrastrukturunu və hətta olimpizm prinsiplərini Rusiya Federasiyasından böyük məhv edən yoxdur.

Zelenskinin sözlərinə görə, genişmiqyaslı müharibə başlayandan bəri 600-dən çox ukraynalı idmançı və məşqçi Rusiyanın zərbələri nəticəsində həlak olub. Ukraynanın yüzlərlə idman obyekti də dağıdılıb.

Dövlət başçısı qeyd edib ki, Rusiya Federasiyasının təmsil olunduğu hər bir idman tədbirindən daim öz təbliğat məqsədləri üçün istifadə etməyə çalışır.

Prezident həmçinin BOK-un yeni rəhbərini Kiyevə səfərə dəvət edib.

Əziz Mustafa