Rusiya və Pakistan Əfqanıstandakı vəziyyəti müzakirə ediblər
Rusiya müdafiə nazirinin müavini Aleksandr Fomin və Pakistanın müdafiə nazirinin birinci müavini Məhəmməd Əli Moskvada iki ölkənin hərbi məsləhət komitəsinin iclasını keçirib və digər məsələlərlə yanaşı, Əfqanıstandakı vəziyyəti müzakirə ediblər. Bu barədə Rusiya Müdafiə Nazirliyinin Telegram kanalında məlumat verilib.
Departamentdən verilən məlumata görə, tərəflər hərbi sahədə dinamik inkişafı və qarşılıqlı faydalı əməkdaşlığı yüksək qiymətləndiriblər. Onlar həmçinin hərbi əməkdaşlığı gücləndirmək üçün toplanmış potensialdan maksimum səmərəli istifadə etmək niyyətlərini təsdiqləyiblər.
“Əfqanıstandakı hərbi-siyasi vəziyyətlə bağlı məsələlərin geniş spektri dərin və konstruktiv şəkildə müzakirə edilib”, - Rusiya Müdafiə Nazirliyi bildirib.
Avqustun 20-də Əfqanıstanın müdafiə naziri Məhəmməd Yaqub Mücahid digər ölkələri ölkəsinə qarşı “pis niyyətlərdən” əl çəkməyə çağırıb, çünki bu ölkə pis niyyəti özündə saxlamır və “hamı ilə İslam şəriətinə əsaslanan yaxşı münasibətlər” istəyir. Nazirin sözlərinə görə, nə Rusiya, nə də Çin Əfqanıstanın ABŞ-ın göstərişi ilə onlara qarşı hərəkət edəcəyinə və ya ərazisinin onlara qarşı istifadəsinə icazə verəcəyinə inanmır.
Əziz Mustafa
