Tramp Vaşinqtonda bütün cinayətlərə görə ölüm cəzasına çağırıb

ABŞ prezidenti Donald Tramp bildirib ki, paytaxtda cinayətkarlıqla mübarizə çərçivəsində onun administrasiyası Vaşinqtonda qətl törətməkdə təqsirləndirilən şəxslərə ölüm cəzası tələb etmək niyyətindədir.Bu barədə Oxuməni.az “Euronews.com”a istinadla xəbər verir.
"Əgər kimsə paytaxt Vaşinqtonda kimisə öldürərsə, biz ölüm hökmü tələb edəcəyik və bu, çox güclü bir maneə faktorudur,"- o, Ağ Evdə növbəti iclasda çıxış edərkən deyib.
Tramp Vaşinqtonda cinayətin aradan qaldırılacağına söz verib. O, həmçinin federal hökumətə məxsus "lazımsız" daşınmaz əmlakı satmaq niyyətində olduğunu açıqlayıb. “Biz Vaşinqtondakı binaları bağlamaq, satmaq, başqasının daşınmaz əmlakdan varlanmasına icazə vermək istəyirik”.
Hazırda prokurorların cinayət törətməkdə təqsirləndirilən şəxsə verə biləcəyi ən ağır cəza ömürlük həbsdir. Müəyyən şərtlər daxilində prokurorlar işləri federal məhkəməyə verə bilərlər. Federal qanunlar daha sonra müttəhimin ölüm cəzasına məhkum edilib-edilməyəcəyini müəyyənləşdirir.
Kolumbiya dairəsi və iyirmiyə yaxın ştat ölüm hökmünü ləğv edib. Bu arada, bir sıra araşdırmalar ölüm cəzasının cinayətdən çəkindirdiyinə dair çox az dəlil tapıb.
Almaz Həsənli