Zelenski Kanadanın Putinin qohumlarına qarşı sanksiyalar paketini sinxronlaşdırıb

Ukrayna Kanadanın bu il Rusiya müharibəsində iştirak edən 139 fiziki və hüquqi şəxsə qarşı tətbiq etdiyi sanksiyaları tamamilə sinxronlaşdırıb. Onların arasında Kreml rəhbərinin qohumları da var.

Bu barədə Ukrayna prezidentinin rəsmi saytı xəbər verir.

Xüsusilə, ötən gün Vladimir Zelenski sanksiyaların sinxronlaşdırılması haqqında fərman verib. Prezidentin saytında onların 74 fiziki və 65 hüquqi şəxsə aid olduğu bildirilir

Üstəlik, Ukraynanın sinxronlaşdırdığı sanksiya siyahısına Vladimir Putinin qohumları da daxildir.

Lyudmila Ocheretnaya - Putinin keçmiş həyat yoldaşı;
Artur Ocheretny - hazırkı əri;
Mixail Putin - Putinin əmisi oğlu;
Mixail Şelomov - Putinin qardaşı oğlu;
İqor Zelenski - Putinin qızının keçmiş əri.

Hüquqi şəxslərə gəlincə, prezidentin internet saytında bəzi şirkətlər xüsusi qeyd edilib və onların nə işlə məşğul olduqları izah edilib.

Həmçinin, “Transmorflot” şirkəti və Arxangelsk dəniz limanı ilə əlaqəli şəxslərə sanksiya tətbiq edilib.
"Bu sanksiyalar artıq avropalı tərəfdaşlar arasında da qismən sinxronlaşdırılıb. Ukrayna digər müttəfiqlərinin sanksiyalarının sinxronlaşdırılması üzərində işləməyə davam edəcək və tərəfdaşları ilə birlikdə tərəfdaşlarının yurisdiksiyalarında Ukrayna sanksiyalarının sinxronlaşdırılması ilə bağlı qərar hazırlayır", - prezidentin internet səhifəsində ümumiləşdirilib.

Əziz Mustafa