Yaponiya üzərində səmaya düşən “atəş topu” görüntülənib
Çərşənbə axşamı, avqustun 20-nə keçən gecə Yaponiya sakinləri səmada "alov topu" görüblər. Bu barədə NHK telekanalı məlumat yayıb.
Nəşr deyir ki, insanlar çox parlaq meteoru müşahidə ediblər.
"Kaqosima və Miyazaki prefekturalarının bir çox sakinləri sosial şəbəkələrdə axşam saat on bir radələrində səmada işıq topu gördüklərini bildiriblər", - məqalədə deyilir.
Telekanalın Kaqosima, Fukuoka və Matsuyama hava limanlarında kameraları parlaq parıltı və sürətlə aşağıya doğru hərəkət edən obyekti qeydə alıb.
Satsumasendai Sendai Kosmos Muzeyinin direktoru Maeda Toşihisa bildirib ki, alov toplarına bənzəyən meteorlar toz, asteroidlərin hissələri və digər kosmik cisimlərin Yer atmosferinə dəydikdə yanması nəticəsində əmələ gəlir.
O qeyd edib ki, bu işıq topu, şübhəsiz ki, belə bir meteordur. Ekspert əlavə edib ki, meteorit dənizə düşə bilərdi.
Əziz Mustafa
.jpg)
.jpg)
