Lavrov iyulun 31-də Suriyanın xarici işlər naziri ilə danışıqlar aparacaq

31 İyul 10:34

Bəyəndim (3) Bəyənmədim (0)

İyulun 31-də Moskvada Rusiyanın xarici işlər naziri Sergey Lavrov və Suriyanın xarici işlər naziri Əsəd Əl-Şeybani görüşəcək. Danışıqlar zamanı ikitərəfli məsələlərlə yanaşı, regional və qlobal problemləri də müzakirə edəcəklər. Bu barədə TASS-a Rusiya Xarici İşlər Nazirliyinin sözçüsü Mariya Zaxarova bildirib. Daha əvvəl Reuters mənbələrə istinadən planlaşdırılan görüş barədə məlumat yayıb.

İyulun 17-də Rusiya Xarici İşlər Nazirliyi druzlar, bədəvilər və hökumət qüvvələri arasında toqquşmaların baş verdiyi Suriyada vəziyyətin kəskin şəkildə gərginləşməsindən narahatlığını bildirib. İsrail druzların müdafiəsinə qalxaraq Suriyaya, o cümlədən Dəməşqdəki Baş Qərargah binasına zərbələr endirib.

Rusiya prezidenti Vladimir Putin Suriyanın suverenliyinə dəstəyini ifadə edib. Bu həftə dövlət başçısı İsrailin baş naziri Binyamin Netanyahu ilə telefon danışığı aparıb.

Əziz Mustafa