"Admiral Kuznetsov" Ukraynadan Kreml tərəfindən oğurlanıb

Rusiya bütün mövcudluğu boyunca heç vaxt bir təyyarədaşıyan gəmi inşa etməyib, çünki rusların hazırda sahib olduğu bu sinifdən olan yeganə gəmi olan "Admiral Kuznetsov" Ukraynadan Kreml tərəfindən oğurlanıb. Ancaq bu oğurluq ruslara xoşbəxtlik gətirmədi - gəmi aktiv deyil, yük oldu.

RBC-Ukrayna telemarafa istinadən xəbər verir ki, bunu Ukrayna Silahlı Qüvvələrinin Hərbi Dəniz Qüvvələrinin sözçüsü Dmitri Pletençuk bildirib.

Pletençuk qeyd edib ki, SSRİ və Rusiyanın əslində heç vaxt təyyarədaşıyan gəmiləri olmayıb. Rusların “təyyarə daşıyan kreyser” adlandırdıqları, sadəcə olaraq, az sayda təyyarə üçün göyərtəsi olan döyüş gəmisidir.

Sovet İttifaqı 70 il ərzində heç vaxt bir dənə də olsun real təyyarədaşıyan gəmi inşa edə bilmədi - yalnız təyyarə daşıyan kreyserlər. Rusların bütün gəmiqayırma "istedadları" yalnız 1991-ci ildə Ukraynaya getməli olan "Admiral Kuznetsov" Ukrayna kreyserini oğurlamağa kifayət etdi.

"Hamı bilmir ki, bu təyyarə daşıyan kreyser sadəcə oğurlanıb. Qara dəniz donanması bölünərkən ruslar ekipajın Ukrayna hissəsini sahildə qoyub, təcili olaraq şimala köçürüb Şimal Donanmasının tərkibinə daxil ediblər", - Pletençuk bildirib.

Ukrayna Hərbi Dəniz Qüvvələrinin mətbuat katibinin sözlərinə görə, oğurluq ruslara xoşbəxtlik gətirməyib. Gəmi onlar üçün yükə çevrilib. Kremlin nə texnologiyası, nə ixtisaslaşmış təyyarəsi, nə də kreyserdə yüksək keyfiyyətli təmir aparmaq imkanı var.

Əziz Mustafa