Çexiya məxfi xidmətləri Çinin Tayvanın vitse-prezidentinə sui-qəsd cəhdinin qarşısını alıb

Çin diplomatları və Pekinin məxfi xidməti Tayvanın vitse-prezidenti Xiao Bikhimin keçən il Praqaya səfəri zamanı onu izləyib. Onlar məmurun iştirakı ilə qəza törətməyi planlaşdırıblar. Bu barədə AFP və The Guardian xəbər verir.

Xiao Bikhim yanvar ayında keçirilən seçkilərdə qalib gəldikdən sonra 2024-cü ilin martında Praqaya səfər edib. Bu, onun Tayvan prezidenti Lai Çin-te ilə birgə ilk xarici səfəri idi.

Çexiya hərbi kəşfiyyatının sözçüsü Yan Peysek mediaya açıqlamasında Xiao Bihimin "Praqadakı Çin səfirliyində diplomatik vəzifələrdə leqallaşdırılmış şəxslərin" hədəfində olduğunu bildirib.

Onun sözlərinə görə, sözügedən şəxslər Tayvanın yeni seçilmiş vitse-prezidentini izləyir, onun səfəri və Çexiya rəsmiləri ilə görüşləri barədə məlumat toplayırdılar.

Çexiya mediası Çinin Praqadakı səfirliyinin diplomatının Xiaonun avtomobilini izləyərkən yol hərəkəti qaydalarını pozaraq işıqforun qırmızı işığından keçdiyini yazıb. Media həmçinin bildirib ki, çinlilər hətta onun avtomobili ilə nümayişkaranə avtomobil qəzası törətməyi planlaşdırırlar.

Çexiya kəşfiyyat nümayəndəsinin sözlərinə görə, xüsusi xidmət Çin məxfi xidmətinin mühafizə altında olan şəxsə qarşı nümayişkaranə güc tədbiri keçirməyə hazırlaşdığını qeydə alıb, lakin hüquq-mühafizə orqanlarının əməkdaşları vaxtında reaksiya verib və insidentin qarşısını alıblar.

Əziz Mustafa , Oxuməni.az