İsrail ABŞ-a İranda hərbi əməliyyata hazır olması barədə xəbərdarlıq edib

İsrail İranda hərbi əməliyyata başlamağa tam hazırdır və yaxın bir neçə gün ərzində hücuma keçəcək. “CBS News” telekanalının məlumatına görə, yəhudi dövləti bu barədə Ağ Evə məlumat verib.
ABŞ İranın qonşu İraqdakı bəzi Amerika obyektlərinə zərbələr endirməklə cavab verə biləcəyini gözləyir. Dövlət Departamenti artıq səfirliyin bəzi əməkdaşlarına Bağdadı tərk etməyi əmr edib. İdarə həmçinin vətəndaşlardan heç bir halda İraqa getməməyi xahiş edir.
Eyni zamanda, “CBS” aydınlaşdırır ki, Donald Trampın xüsusi nümayəndəsi Stiven Vitkoff hələ də İran nümayəndələri ilə görüşməyi planlaşdırır - nüvə sazişi üzrə danışıqların növbəti raundu iyunun 15-nə təyin edilib.
Donald Tramp ABŞ personalının Yaxın Şərqdəki məhvetmə radiusundan kənara hərəkətini təsdiqləyib: "Orada təhlükəli ola bilər. Görək nə olacaq, amma bildiriş verdik, görək nə olacaq".
Bölgədəki gərginliyi azaltmaq üçün hər hansı bir tədbir görmək olarmı sualına Ağ Ev rəhbəri cavab verib ki, İran nüvə silahına malik olmamalıdır: "Bu, çox sadədir. Onların nüvə silahı olmamalıdır. Biz buna icazə verməyəcəyik".
İran və ABŞ vasitəçi qismində Omanın olduğu 5 raund dolayı danışıqlar aparıb. “The Wall Street Journal” yazır ki, müqavilənin şərtləri İsraili qane etmir.
Almaz Həsənli