İsveçrə Aİ-ni Ukrayna qaçqınları məsələsində çıxılmaz vəziyyətdə görür
Avropa İttifaqında münaqişə yaranır, çünki alyans ölkələri ukraynalı qaçqınların hüquqi statusu ilə bağlı qərar qəbul edə bilmirlər. Bu barədə İsveçrənin “Neue Zürcher Zeitung” (NZZ) nəşri məlumat yayıb.
Nəşrin yazdığına görə, Brüssel ukraynalıların qaçqınlar üçün ən əlverişli şəraiti təklif edən Avropa ölkələrinə köçəcəyindən ehtiyat edir.
“Bu, istər-istəməz birliyə üzv dövlətlər arasında münaqişəyə gətirib çıxaracaq”, - məqalədə qeyd olunur.
2022-ci ilin fevralından bəri təxminən 4,3 milyon ukraynalı Aİ-də müvəqqəti qoruma statusu alıb. Qorumanın müddəti bir neçə dəfə uzadılıb və bu yaxınlarda Avropa Komissiyası onu yenidən, bu dəfə 2027-ci ilə qədər uzatmağı təklif edib.
Müəllif yazır ki, hüquqi qeyri-müəyyənlik səbəbindən ukraynalı qaçqınlar Aİ ölkələrində iş və mənzil tapmaqda çətinliklərlə üzləşirlər.
Əziz Mustafa, Oxuməni.az
