Rusiyaya məhv edilmiş təyyarələri əvəz etmək üçün illər lazım olacaq

Rusiyaya iyunun 1-də SBU-nun pilotsuz təyyarələrinin zərbələri ilə vurulmuş nüvə silahına malik bombardmançı təyyarələrin dəyişdirilməsi üçün illər lazım olacaq. Bu, Rusiyanın strateji aviasiyasının modernləşdirilməsi üzrə onsuz da gecikmiş proqrama ciddi maneələr yaradır.

Bu barədə RBC-Ukrayna “Reuters”ə istinadən xəbər verir.

Agentliyin qeyd etdiyi kimi, ABŞ-ın hesablamalarına görə, Rusiya aerodromlarına endirilən zərbələr nəticəsində 20-yə qədər təyyarə vurulub, onlardan 10-a yaxını məhv edilib.

Rusiya hakimiyyəti hər hansı itkiləri inkar edir, lakin hərbi bloqçular komandanlığı səhlənkarlıqda ittiham edərək, ciddi ziyan və ya onlarla bombardmançının itirilməsi barədə məlumat verirlər.

Zərbələr Rusiyanın qanadlı raket zərbələri qabiliyyətinin əsas elementləri olan Tu-95MS və Tu-22M3 strateji bombardmançı təyyarələrini hədəf alıb. Təyyarələr artıq istehsal olunmur, bu da onların dəyişdirilməsini çətinləşdirir. Vəziyyət Rusiyanın zəruri komponentlərə çıxışını məhdudlaşdıran Qərb sanksiyaları ilə daha da gərginləşir.

Əziz Mustafa, Oxuməni.az