Kallas Ukraynanın bir gecədə hücumundan sonra Rusiyaya güclü təzyiq göstərməyə çağırır

26 May 08:27

Bəyəndim (4) Bəyənmədim (0)

Avropa İttifaqının xarici işlər və təhlükəsizlik siyasəti üzrə ali nümayəndəsi Kaja Kallas Ukraynaya bir gecədə baş verən kütləvi hücumdan sonra beynəlxalq ictimaiyyəti Rusiyaya təzyiqləri artırmağa çağırıb. Bu barədə o, X sosial şəbəkəsindəki səhifəsində yazıb.

Kallasın sözlərinə görə, bir gecədə Ukraynanın Rusiya tərəfindən atəşə tutulması bir daha göstərir ki, Moskva müharibəni dayandırmaq niyyətində deyil. O, Rusiya Federasiyasının Ukraynanın yeni əzab və məhvinə can atdığını vurğulayıb.

"Bu müharibəni dayandırmaq üçün Rusiyaya ən güclü beynəlxalq təzyiq lazımdır", - Kallas bildirib.

Aİ-nin ali nümayəndəsi əlavə edib ki, günahsız qurbanlar arasında uşaqların əziyyət çəkdiyini və öldüyünü görmək onun üçün ağrılıdır. O, fikirlərinin bu gün ailələrinin yanında olduğunu söylədi.

Əziz Mustafa. Oxuməni.az