Zaxarova: Rusiya Azərbaycanla münasibətlərin bütün potensialını üzə çıxarmaqda qərarlıdır

Moskva Bakı ilə münasibətlərinin bütün potensialını açmağa çalışır. Bunu Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə İlham Əliyevin mayın 9-da keçirilən Qələbə paradına Moskvaya getməmək qərarını şərh edərkən deyib.
"Bilirsiniz, biz Bakı ilə münasibətləri 2022-ci ilin fevralında ən yüksək səviyyədə imzalanmış müttəfiqlik əməkdaşlığı haqqında bəyannamə əsasında qururuq. Bizim tərəfimiz bu əsas sənədin ikitərəfli münasibətlər üçün bütün potensialını ardıcıl olaraq üzə çıxarmağa və bütün yaranan məsələlərin qarşılıqlı faydalı, qarşılıqlı hörmət əsasında həllinə sadiqdir", - o deyib. Diplomat əlavə edib ki, Moskva və Bakı “hökumətlər və xarici siyasət qurumları arasında bir sıra yüksək səviyyəli əlaqələr” aparır.
"Bilirsiniz, təəccüblüdür, elə bil ki, bu bayramı bizimlə bölüşmək və öz möhtəşəm iştirakı ilə tamamlamaq, o cümlədən Sovet İttifaqının müxtəlif respublikalarında Qırmızı Ordu sıralarında xidmət etmiş, etnik azərbaycanlı olan veteranların xatirəsini yad etmək üçün Azərbaycandan bizə gələn müvafiq parad bölmələri olmamışdır. Niyə buna əhəmiyyət vermirsiniz? "- Rusiya XİN rəsmisi bildirib.
Zaxarovanın qeyd etdiyi kimi, Rusiya tərəfi Rusiya Federasiyası və Azərbaycan xalqlarının “tarixi yaddaşa, öz əcdadlarının şücaətini unutmağın mümkünsüzlüyünə hörmətlə yanaşırlar”. "Liderlərin iş qrafikinə gəlincə, birincisi, prezident administrasiyası artıq bu barədə danışıb, ikincisi, müxtəlif şeylər baş verir. Amma sadəcə olaraq, aşkarı görməmək də yanlış, ədalətsiz və yeri gəlmişkən, çox təhlükəlidir", - diplomat yekunlaşdırıb.
Almaz Həsənli