Britaniyalı 38 il həbsdən sonra bəraət qazandı

Bir britaniyalı ədalət səhvinə görə 38 il həbsdə yatdı. “The Guardian” yazır ki, Böyük Britaniya məhkəməsi DNT testindən sonra 68 yaşlı Piter Sallivanı nahaq qətl ittihamından azad edib. Onun həbsi indi Britaniya tarixində ən davamlı ədalət səhvi hesab olunur.
21 yaşlı Dayan Sindall 1986-cı ildə İngiltərənin qərbindəki Birkhend şəhərində işdən evə qayıdarkən zorlanıb və öldürülüb.
Piter Sallivan 1987-ci ildə gənc qızı öldürməkdə təqsirli bilinib. O, bütün dinləmələrdə günahını inkar edib. Onun vəkilləri iki dəfə hökmdən apellyasiya şikayəti verməyə çalışsalar da, nəticəsiz qalıb.
Yeni sınaqlar edildikdə vəziyyət dəyişib. Onlar Sallivanın DNT-sinin cinayət yerindən qorunan nümunələrdə olmadığını göstəriblər. Tapılan izlər naməlum başqa kişiyə məxsusdur. Polis əsl qatili tapmaq üçün işi yenidən açacaq.
Piter Sallivanın məhkəmə iclası başa çatdıqdan dərhal sonra artıq sərbəst buraxıldığı bildirilir.
O, demək olar ki, 38 il səkkiz ayı həbsdə keçirdi - cəmi 14 min113 gün.
Almaz Həsənli