Vitkoff  Ukraynanın demilitarizasiyasını dayandırmağı Putindən tələb edəcək

ABŞ Moskva və Kiyev arasında sülh sazişinin bir hissəsi kimi Rusiyanın Ukraynanın öz ordusuna və müdafiə sənayesinə sahib olmaq hüququnu tanımasını israr edəcək. Bu barədə Bloomberg xəbər verir.

ABŞ prezidentinin nümayəndəsi Stiv Vitkoffun Ukraynada müharibə başa çatdıqdan sonra Rusiya diktatoru Vladimir Putinlə növbəti görüşündə bu məsələni qaldıracağı gözlənilir.

Nəşrin fikrincə, bu, Tramp administrasiyasının müharibəni dayandırmaq üçün həm Kremldən, həm də Ukraynadan müəyyən güzəştlər almağa çalışdığından xəbər verir. Bununla belə, Kiyevin lazımi şəkildə təchiz edilmiş və ştatlı orduya malik olmasına razılıq vermək, Putinin müharibədə bəyan etdiyi əsas məqsədlərindən biri olan Ukraynanı demilitarizasiya etmək məqsədindən əl çəkməli olacağı anlamına gəlir.

Tramp administrasiyası həmçinin Moskvadan Rusiyanın 2022-ci ildə tammiqyaslı işğalının əvvəlində ələ keçirdiyi Zaporojya atom elektrik stansiyasını Ukraynaya qaytarmasını istəyir. Bundan sonra qurğu hər iki tərəfi enerji ilə təmin etmək üçün ABŞ-ın nəzarətinə keçəcək, Bloomberg mənbələri qeyd edib. Onlar əlavə ediblər ki, planın təfərrüatları hələ yekunlaşdırılmayıb və dəyişdirilə bilər.

Bundan əlavə, guya ABŞ Rusiyanın Xarkov vilayətində işğal etdiyi torpaqların da geri qaytarılmasını təmin etmək istəyir. Bununla belə, Putin Luqansk, Zaporojya, Donetsk və Xerson vilayətlərinin bütün ərazilərini tam işğal edə bilməməsinə baxmayaraq, onların tanınmasını tələb edir.

Əziz Mustafa, Oxuməni.az