Müdafiə xərclərinin ÜDM-in 5%-nə qədər artırılması məsələsi hələlik masada deyil

NATO ölkələri üçün müdafiə xərclərinin ÜDM-in 5%-nə qədər artırılması məsələsi hələlik masada deyil. Eyni zamanda, Trampın tələblərinə baxmayaraq, amerikalıların özləri “hələ də bundan çox, çox uzaqdırlar”.

Bu barədə Almaniyanın müdafiə naziri Boris Pistorius deyib.

"5%-lik hədəfdən söhbət gedə bilməz. Amerika prezidentinin tələbi var ki, 5% olmalıdır, lakin amerikalıların özləri hələ də bundan çox, çox uzaqdırlar", - Pistorius qeyd edib.

Almaniyanın müdafiə naziri qeyd edib ki, bu, yeni deyil, söhbət 2%-dən əhəmiyyətli dərəcədə xərclənməsi zərurətindən gedir.

"3% və ya 3,5% olmasının demək olar ki, heç bir fərqi yoxdur. Ən əsası odur ki, aydın, davamlı artım olmalıdır", - o izah edib.

Bundesverin başçısı vurğulayıb ki, onun mövqeyi həmişə "çox aydın" olub - lazım olanı müdafiə və çəkindirməyə sərf etmək lazımdır, çünki təhlükəsizlik olmadan siyasətin bütün digər sahələri arxa plana keçəcək.

Eyni zamanda, Pistorius deyib ki, əgər biz 3%-i başlanğıc nöqtəsi kimi götürsək, Almaniya üçün bu, müdafiə büdcəsinə ildə təxminən 120 milyard avro, yəni indikindən 65-68 milyard avro çox vəsait yönəltmək deməkdir.

Onun sözlərinə görə, hazırda 480 milyard avro təşkil edən Almaniyanın federal büdcəsindən belə bir məbləği sadəcə olaraq ayırmaq mümkün deyil.

Əziz Mustafa, Oxuməni.az