Gürcüstan hakimiyyəti Aİ-yə üzvlüklə bağlı danışıqları təxirə salıb, ölkədə etirazlar başlayıb

Gürcüstan polisi xüsusi texnika, o cümlədən su şırnaqlarından istifadə edərək etirazçıları Tbilisidə parlament binasından uzaqlaşdırıb. Gürcüstanın baş naziri İrakli Kobaxidzenin Aİ-yə üzvlük danışıqlarını 2028-ci ilə qədər təxirə salmaq qərarını açıqlamasından sonra daha bir irimiqyaslı aksiya başlayıb. Bu barədə BBC yazır.

Tbilisidə etirazçılar bir neçə yerdə, o cümlədən hakim “Gürcü Arzusu” partiyasının ofisinin yaxınlığında və Rustaveli prospektində parlamentin qarşısına toplaşıblar.

Aksiyada minlərlə insan iştirak edib. Gecə saatlarında polis və çevik qüvvələr gözyaşardıcı qaz və su şırnaqlarından istifadə edərək etirazçıları saxlamağa başlayıb.

Gürcüstan Daxili İşlər Nazirliyi nümayişin qanunla müəyyən edilmiş normaları aşdığını”bəyan edib.

Baş nazir ölkənin yenilənmiş hökumətini təsdiqlədikdən bir neçə saat sonra hakim “Gürcü arzusu” partiyasının Aİ ilə danışıqların təxirə salınması ilə bağlı bəyanatını oxuyub. Müxalifət yeni parlamentin legitimliyini tanımır.

Oxuməni.az