Rusiyadan alınan hava hücumundan müdafiə sistemləri İranı İsrailin zərbəsindən qorumaqda aciz qalıb

Şənbə günü İrandakı hərbi obyektlərə hava zərbələri zamanı İsrail İranda qalan üç Rusiya S-300 zenit-raket kompleksini (ZRK) məhv edib. “Wall Street Journal” yazır ki, İranın hava hücumundan müdafiə sisteminin əsas komponenti olan bu sistemlər yüz İsrail döyüş təyyarəsinin iştirak etdiyi hava hücumu zamanı İrandakı hədəflərə atılan yüzlərlə raketdən ən yaxşı halda bir neçəsini vura bilib.

Amerika Müharibənin Öyrənilməsi İnstitutunun (ISW) məlumatına görə, S-300 komplekslərindən biri Tehran hava limanının yaxınlığında, digər ikisi isə enerji infrastrukturu obyektlərini - neft limanını, neft emalı zavodunu və təbii qaz yatağını əhatə edib.

İranda xidmətdə olan ZRK S-300 bu kompleksin ötən əsrin 90-cı illərinin sonlarında modernləşdirilmiş, 70-ci illərin sonunda sovet ordusunun xidmətinə verilmiş versiyasıdır.

Analitiklərin fikrincə, S-300 sistemlərinin itirilməsi ilə İranın bir çox mühüm obyektləri raket hücumuna qarşı müdafiəsiz qalır. Onun Rusiyadan daha müasir S-400 hava hücumundan müdafiə sistemləri almaq imkanı yoxdur, çünki Rusiya Federasiyası Ukraynada döyüş əməliyyatları aparmaq üçün bütün ehtiyatlarından istifadə edir.

“Wall Street Journal”-ın vurğuladığı kimi, bu epizod Ukraynadakı döyüşlər zamanı Ukrayna ordusu tərəfindən bir neçə Rusiya S-300 sisteminin məhv edilməsi və Ukraynanın daha müasir Rusiyanın S-400 hava hücumundan müdafiə sistemlərinə uğurlu zərbələr endirməsi ilə birlikdə, Rusiya müdafiə sənayesinin nüfuzuna ciddi ziyan vurur. Nəşr analitiklərə istinadən yazır ki,Rusiya hərbi-sənaye kompleksinin ənənəvi müştərilərinin çox güman ki,belə olduğu halda Cənubi Koreya, İsrail, Amerika və Çin kimi alternativ silah tədarükçüləri axtarmağa başlayacaqlar.

Almaz Həsənli