İsrailin hərbi əməliyyatları başlayandan bəri 440 mindən çox insan Livanı tərk edib

29 Oktyabr 2024 14:12

Bəyəndim (0) Bəyənmədim (0)

İsrailin şiə Hizbullah hərəkatına qarşı başlatdığı hərbi əməliyyatdan sonra ən azı 440 min qaçqın Livanı tərk edib. Bu barədə BMT-nin Livandakı Humanitar Məsələlərin Əlaqələndirilməsi Ofisi (OCHA) məlumat yayıb.

Məlumatda qeyd edildiyi kimi, BMT-nin Qaçqınlar üzrə Ali Komissarlığının və Suriya Qızıl Aypara Cəmiyyətinin məlumatına görə, sentyabrın 23-dən bu yana 440 minə yaxın insan Livandan Suriyaya keçib.

Sənəddə həmçinin qeyd olunur ki, İraqa daha 22 min livanlı gəlib.

Sentyabrın 23-də İsrail “Hizbullah” birləşmələrinə qarşı “Şimalın oxları” əməliyyatına başlayıb və bu əməliyyat zamanı Livan ərazisində şiə təşkilatının hərbi hədəflərinə qarşı kütləvi hava zərbələri endirir. Oktyabrın 1-nə keçən gecə İsrail ordusu Livanın cənubunun sərhəd bölgələrində quru əməliyyatına başladığını elan edib.

Oxuməni.az