Hollandiya Ukraynaya Rusiyanın arxasındakı hədəflərə atəş açmağa icazə verib

Ukrayna ordusuna Hollandiyadan verilən silahlarla Rusiyanın bütün ərazisində zərbələr endirməyə icazə verilib.

Bu barədə Frankfurter Allgemeine xəbər verir.

Ölkənin müdafiə naziri Ruben Brekelmans bildirib ki, Ukrayna beynəlxalq hüquq normalarına uyğun olaraq müdafiə üçün Rusiya ərazisində Hollandiya silahlarından istifadə edə bilər.

“Ukraynanın özünümüdafiə hüququ var və əgər ölkə sərhədyanı ərazilərdən və ya Rusiya aerodromlarından hücuma məruz qalırsa, o zaman o, hərbi hədəfləri məhv edə bilər”,- müdafiə idarəsinin rəisi bildirib.

Brekelmans həmçinin əlavə edib ki, bu “beynəlxalq hüquq məsafə ilə məhdudlaşmır” və ukraynanın“özünümüdafiə hüququ var. Biz bu məsələdə Ukraynaya qarşı heç bir əməliyyat məsafəsi məhdudiyyəti tətbiq etməmişik,”- deyib.

Nazir aydınlaşdırıb ki, Rusiyaya zərbə endirmək icazəsi Hollandiyanın Ukraynaya təhvil verəcəyi F-16 qırıcılarına da birbaşa aiddir.

Bundan əlavə, Brekelmans digər Qərb ölkələrini də Ukraynaya tədarük etdikləri silahların istifadəsinə qoyulan məhdudiyyətləri aradan qaldırmağa çağırıb.

Oxuməni.az