Boliviya prezidenti vəzifəsini icra edən Jeanine Anez üzərində məhkəmə sentyabrın 4-də başlayacaq

Boliviya məhkəməsi keçmiş prezident səlahiyyətlərini icra edən (2019-2020) Jeanine Anez-in təqsirləndirildiyi 2019-cu ilin noyabrında etirazçıların ölümü ilə bağlı məhkəmələrin başlanmasını sentyabrın 4-nə təxirə salıb. Bu barədə ölkənin ədliyyə və institusional şəffaflıq naziri İvan Lima bildirib.

“Jeanine Anez, keçmiş daxili işlər naziri Arturo Murillo, keçmiş müdafiə naziri Fernando Lopez və daha 15 nəfərin “Senkata işi” üzrə məhkəməsinin başlanması çərşənbə günü, sentyabrın 4-nə təxirə salınıb. Ümid edirik ki, məhkəmə prosesi başlayacaq və ədalət bərqərar olacaq qurbanlara və onların ailələrinə dəymiş ziyanı kompensasiya edəcək”, - nazir X-də (keçmiş Twitter) yazıb.

2023-cü ilin oktyabrında Boliviya Baş Prokurorluğu Anezin Sacaba şəhərində və El Alto şəhərində yerləşən Senkata rayonunda etirazçıların ölümünə görə 30 il həbs cəzasına məhkum edilməsini tələb edib. O,dövlət çevrilişi işində və soyqırımda ittiham olunub. 2021-ci ilin avqustunda Amerikalararası İnsan Hüquqları Komissiyasının müstəqil ekspertlərdən ibarət multidissiplinar qrupu hesabatında 2019-cu ilin noyabrında Boliviyada baş vermiş siyasi böhran zamanı 38 nəfərin öldürüldüyünü, insan hüquqlarının pozulması və həddən artıq güc tətbiqi hallarının olduğunu təsdiqləyib.

Oxuməni.az