Bayden Qəzzada nizamlanma üçün yeni təklif təqdim etmək niyyətindədir
ABŞ prezidenti Co Bayden yaxın günlərdə Qəzza zolağında atəşkəs razılaşmasının yekun variantını təqdim etmək niyyətindədir. Bu barədə Axios portalı Amerika administrasiyasının nümayəndəsinə istinadən məlumat yayıb.
Onun sözlərinə görə, müvafiq məlumat bazar günü Fələstinin radikal HƏMAS hərəkatı tərəfindən girov götürülən Amerika vətəndaşlarının ailələri ilə ABŞ prezidentinin milli təhlükəsizlik üzrə köməkçisi Ceyk Sallivan ilə onlayn görüş zamanı açıqlanıb. Axios qeyd edir ki, Bayden bazar ertəsi milli təhlükəsizlik komandası ilə bu sahədə səyləri müzakirə etməyi planlaşdırır. İsrail və HƏMAS-ın Baydenin yeni təklifinə cavab vermək üçün bir həftə vaxt verəcəyi gözlənilir.
Portalın məlumatına görə, Sallivan, eləcə də Ağ Evin Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk Həmas girovlarının ailə üzvlərinə “bir razılaşmanın olub-olmayacağını bilmirik” deyib.
Orxan Rəhimov
