Ukraynaya hərbi yardım üçün daha 4 milyard avro istənilib

Almaniyanın müdafiə naziri Boris Pistorius Ukraynaya hərbi yardımı davam etdirmək üçün hökumətdən daha 4 milyard avro almaq istəyir, bu barədə çərşənbə axşamı Spiegel jurnalı yazıb.

“Pistorius özəl olaraq maliyyə naziri Kristian Lindnerə 2024-cü ilin ikinci yarısında Ukraynaya hərbi yardım üçün daha 4 milyard avro ayrılması barədə müraciət edib”, - nəşr yazır.

Jurnalın məlumatına görə, bu məqsədlər üçün ayrılmış əvvəlki yeddi milyard avro böyük ölçüdə xərclənib və ya cari sifarişlər üçün ayrılıb; Yeni hərbi texnika təchizatı üçün cəmi 200 min avro qalıb.

“Spiegel-ə görə, Pistorius yeni vəsaitləri döyüş sursatı, lazımi ehtiyat hissələrinin təcili tədarükü və Ukraynaya Leopard 1A tanklarının yeni partiyalarına xərcləmək istəyir”, - deyə nəşr qeyd edir .

Eyni zamanda, hərbi ekspertlərin fikrincə, Ukraynaya hərbi dəstəyi davam etdirmək üçün Berlin on milyardlarla avro vəsait toplamalı olacaq. İndiyədək növbəti maliyyə ilinin büdcə layihəsində bu məqsədlə dörd milyard avro vəsait ayrılıb.

Oxuməni.az