Cənubi Koreya və ABŞ "Azadlıq Qalxanı" adlı iri birgə hərbi təlimlərə başlayıb

4 Mart 15:21

Bəyəndim (0) Bəyənmədim (0)

Cənubi Koreya və ABŞ bazar ertəsi "Azadlıq Qalxanı" adlı iri birgə hərbi təlimlərə başlayıb, Yonhap xəbər agentliyi bildirib.

11 günlük illik “Azadlıq Qalxanı” təlimi Pxenyanın qərb dəniz sərhədi yaxınlığında artilleriya atəşi və çoxlu raket atışları da daxil olmaqla, bölgədə artan gərginlik fonunda keçirilir.

Cənubi Koreya və ABŞ hərbçiləri təlimlərin birgə müdafiə qabiliyyətlərinin möhkəmləndirilməsi məqsədi daşıdığını bildirərək, əsas diqqətin quru, dəniz, hava, kiber və kosmik əməliyyatlara və Şimali Koreyanın nüvə əməliyyatlarına qarşı mübarizəyə yönəldiləcəyini qeyd ediblər.

Təlimdə Avstraliya, Böyük Britaniya, Filippin və Tayland da daxil olmaqla BMT Komandanlığının 12 üzv dövlətindən şəxsi heyət iştirak edəcək və Neytral Millətlər Nəzarət Komitəsi (NNSC) tərəfindən nəzarət ediləcək.

Oxuməni.az