Polis Sürixdə yəhudi məhəllələrində təhlükəsizliyi gücləndirib

Ortodoks yəhudiyə qarşı ciddi bıçaqlanma hücumundan sonra polis Sürixdə yəhudi məhəllələrində təhlükəsizliyi gücləndirib. Bu barədə “Reuters” məlumat yayıb.

Polis şənbə gecəsi Sürixin mərkəzində 15 yaşlı isveçrəli yeniyetmənin 50 yaşlı yəhudiyə "həyatı üçün təhlükəli" xəsarətlər yetirdiyinə görə həbs olunduqdan sonra tədbir gördüyünü bildirib.

Polisin bəyanatında deyilir ki, hücuma nəyin səbəb olduğu bəlli deyil, lakin istintaq "anti-semit cinayəti ehtimalını açıq şəkildə ehtiva edir". Yerli yəhudi təşkilatları ilə müzakirələrdən sonra polis bildirib ki, əlavə təhlükəsizlik “yəhudi mühiti ilə əlaqəli xüsusi ərazilər” üçün tətbiq edilib.

Oktyabrın 7-də HƏMAS-ın İsrailin cənubundakı hücumlarından və İsrail hökumətinin Qəzzada islamçı qrupa qarşı apardığı kampaniyadan sonra İsveçrədə antisemit davranış riski ilə bağlı narahatlıqlar artıb.

Bundan əvvəl İsveçrə polisi Davosda yəhudilərə idman ləvazimatlarının kirayəsi verilmədiyi iddia edilən Pischa xizək kurortu ilə bağlı şikayətlərə görə araşdırma başlatmışdı.

Oxuməni.az