Ukrayna tezliklə Çexiyadan mərmi alacaq

Çexiya Müdafiə Nazirliyinin sözçüsü Yan Jires "Bloomberg"ə bildirib ki, Çexiyanın təşəbbüsü ilə üçüncü ölkələrdən alınan 155 mm-lik artilleriya mərmilərinin ilk partiyası bir neçə həftə ərzində Ukraynaya gələcək.

Onun sözlərinə görə, Ukrayna Silahlı Qüvvələri üçün sursatların alınmasında bir neçə Avropa ölkəsi iştirak edir, lakin o, hansının olduğunu dəqiqləşdirməyib. Jires tədarüklərin kimin ehtiyatlarından həyata keçiriləcəyini də açıqlamayıb və qeyd edib ki, bu məlumat mərmilər Ukraynaya çatdıqdan sonra ictimaiyyətə açıqlanacaq.

Fevral ayında Çexiya Prezidenti Petr Pavel Münhen Təhlükəsizlik Konfransında respublikanın 500 min 155 mm mərmi və 300 min 122 mm mərmi tapdığını və müttəfiqlər bunun üçün vəsait ayırsa, bir neçə həftə ərzində Ukrayna Silahlı Qüvvələrinə verilə biləcəyini söylədi. ."Financial Times"ın məlumatına görə, Aİ indi bu məqsədlə təcili olaraq 1,5 milyard dollar axtarır.

Hollandiya bu təşəbbüsə qoşularaq 100 milyon avro ayırmağa razılaşıb. Belçika 200 milyon avro ayırmağa söz verib. Kanada isə 22 milyon dollar ayırmağa hazır olduğunu bildirib. Bundan əlavə, Danimarka, Böyük Britaniya və İsveç Çexiyanın təklifini dəstəkləyib.

Hərbi hesablamalara görə, Ukraynaya tam döyüşmək və Rusiyaya müqavimət göstərmək üçün ayda 200 min mərmi lazımdır. Bu, gündə təxminən 6,7 min atış deməkdir.

Oxuməni.az