Belçika kralı Brüsseldə artan zorakılıqdan narahatdır

Belçika kralı Filip, narkotiklərlə əlaqəli cinayət dalğasının qarşısını almaq üçün mübarizə aparan Belçika paytaxtında artan zorakılıqdan narahatdır.

Bu barədə “ “Politico” məlumat yayıb

Filipp kraliça Mathilde və Belçikanın daxili işlər naziri Annelies Verlinden ilə birlikdə Europol rəhbəri Ketrin de Bolle ilə görüşüb. Görüşdə onlara idarənin bütün Avropada mütəşəkkil cinayətkarlıqla mübarizə sahəsində gördüyü işlər barədə məlumat verilib.

De Bolle Belçika mətbuatına bildirib ki, səfər zamanı kral Brüsseldə narkotik cinayətlərinin son dalğasından narahat olduğunu bildirib. Verlinden bu məsələnin müzakirənin bir hissəsi olduğunu təsdiqləyib.

Narkotik dəstələri ilə əlaqəli çoxsaylı atışmalar da daxil olmaqla, zorakı cinayət dalğası son aylarda Brüsselin bir neçə bölgəsini bürüdü.

Çərşənbə axşamı günü Brüssel-Paytaxt Bölgəsinin rəhbəri Rudi Vervoort və Brüsselin yüksək təhlükəsizlik rəsmisi Sophie Laveau regional təhlükəsizlik şurasının iclası zamanı cinayət dalğası ilə mübarizə planını təqdim etdilər.

Plan narkotiklərlə bağlı zorakılığın cəmləşdiyi "qaynar nöqtələri" müəyyən etmək üçün işçi qrupunun yaradılmasını tələb edir. Bu qaynar nöqtələrdə şəhər yerli polis və prokurorlarla əməkdaşlıq edərək təhlükəsizlik məsələlərini həll edəcək.

Belçika paytaxtı son vaxtlar şəhərdə təhlükəsizliklə bağlı narahatlıqlara səbəb olan bir sıra atışma və zorakılıqlarla sarsılıb.

Bundan əlavə, polis Brüsseldəki bir neçə dövlət idarəsində zəhərli ağ toz brusin olan zərflər tapıb.

Oxuməni.az