Burkina Fasoda naməlum silahlılar kəndə hücum ediblər: 15 nəfər öldürülüb

Burkina-Fasodakı katolik kilsəsinin liderləri bildiriblər ki, ölkənin münaqişəli şimal bölgəsində naməlum şəxslərin namaz qılmaq üçün toplaşan icmaya hücumu nəticəsində kənddə azı 15 ibadətçi həlak olub.
"ABC News"-un verdiyi məlumata görə, Essakane kəndində baş verən zorakılıq terror aktı olub, 12 ibadətçi yerindəcə ölüb, daha üç nəfər isə yaralarının müalicəsi zamanı ölüb.

Qeyd olunur ki, Burkina Faso ərazisinin təxminən yarısı ölkəni uzun illər xarabalığa çevirən cihadçı qruplar səbəbindən hökumətin nəzarətindən kənardadır. Döyüşçülər minlərlə insanı öldürüb və iki milyondan çox insanı evlərindən didərgin salıb.

Ölkəni idarə edən qrup 2022-ci ilin yanvarındakı ilk çevrilişdən bəri zorakılıq bölgələrində sülhü bərpa edə bilməyib. Afrika Strateji Araşdırmalar Mərkəzinin avqust ayında açıqladığı hesabata görə, cihadçılar tərəfindən öldürülən insanların sayı əvvəlki 18 ay ilə müqayisədə təxminən üç dəfə artıb.

2023-cü ilin sentyabrında Burkina Fasoda dövlət çevrilişinə cəhdin qarşısının ölkənin kəşfiyyat xidmətləri və təhlükəsizlik qüvvələri tərəfindən alındığı bildirilir. Yerli medianın məlumatına görə, bəzi zabitlər və digərləri həbs edilib.

Oxuməni.az