Kiyev 700 kilometr mənzilli öz raketlərini açıqlayıb

Strateji sənaye naziri Aleksandr Kamışin bazar günü bildirib ki, Ukraynanın artıq 700 kilometr mənzilli öz raketləri var.
“Bizim üçün ən vacib proqram raket proqramıdır, lakin mən bu barədə prezidentimin dediyi kimi heç nə deməyəcəyəm. İndi bizim 700 kilometr uzaqlıqdakı hədəfi vuran uzaqmənzilli silahlarımız var”, - deyə Kamışin bəyan edib.

Ukrayna Milli Təhlükəsizlik və Müdafiə Şurasının katibi Aleksey Danilov sentyabrda etiraf edib ki, Kiyev “2020-ci ilin qışında” 700 kilometr mənzilli raketlər hazırlamağa başlayıb.

Rusiya hesab edir ki, Ukraynaya silah tədarükü nizamlanmaya mane olur, NATO ölkələrini birbaşa münaqişəyə cəlb edir və “atəşlə oynayır”. Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Onun sözlərinə görə, ABŞ və NATO münaqişədə bilavasitə iştirak edir, o cümlədən təkcə silah tədarükü ilə deyil, həm də Böyük Britaniya, Almaniya, İtaliya və digər ölkələrdə kadrların hazırlanması ilə məşğuldur. Kreml bəyan edib ki, Ukraynanı Qərbdən silahlarla doldurmaq danışıqlara kömək etmir və mənfi təsir göstərəcək.

Oxuməni.az