![Ermənistanın baş naziri Ukraynadakı müharibəni Alma-Ata bəyannaməsinin pozulması adlandırıb](http://oxumeni.az/images/2024/02/24/024-3.jpg)
Ermənistanın baş naziri Ukraynadakı müharibəni Alma-Ata bəyannaməsinin pozulması adlandırıb
Ukraynada baş verənlər Alma-Ata bəyannaməsinin pozulmasıdır. Bunu Ermənistanın baş naziri Nikol Paşinyan “France 24” telekanalına müsahibəsində Ukraynadakı müharibəni yalnız Rusiya tərəfi hesab edirmi sualına cavab verərkən deyib.
“Mən dedim ki, Alma-Ata Bəyannaməsi bizim üçün çox vacibdir. Alma-Ata Bəyannaməsi nədən bəhs edir? Alma-Ata Bəyannaməsi iki əsas məsələyə toxunur. Eyni zamanda, Alma-Ata Bəyannaməsi Rusiya, Ukrayna və Azərbaycan tərəfindən imzalandı. Yeri gəlmişkən, Alma-Ata Bəyannaməsi Belarus, Rusiya və Ukraynanın imzaladığı Belovejskaya sazişi ilə başladı.
Daha sonra Almatıda keçmiş Sovet İttifaqının doqquz respublikasının qoşulduğu bu müqavilə iki şeyə aiddir: birincisi, Sovet İttifaqı mövcudluğunu dayandırır, ikincisi, onu imzalayan sovet respublikaları ərazi bütövlüyünü və toxunulmazlığını tanıyan müstəqil dövlətlərə çevrilir.
İndi bizim təhlükəsizliyimiz üçün də çox vacib olan Alma-Ata Bəyannaməsinin məntiqinə görə, biz Ukraynada baş verənlərin Alma-Ata Bəyannaməsinin pozulması olduğunu görürük”, – Paşinyan bildirib.
Oxuməni.az