Macarıstan parlamenti İsveçin NATO-ya üzv olub-olmaması ilə bağlı məsələni müzakirə edəcək

20 Fevral 20:28

Bəyəndim (0) Bəyənmədim (0)

Macarıstan parlamenti İsveçin NATO-ya daxil olmasının ratifikasiyası üçün fevralın 26-da müzakirələrə başlayacaq. Qərb agentlikləri bu barədə “Fidesz” parlament fraksiyasının lideri Mate Kosiçin dərc etdiyi sənədə istinadən xəbər verir.

Kosiç bildirib ki, fevralın 26-da keçiriləcək iclasda İsveçin Şimali Atlantika Alyansına daxil olmasının ratifikasiyası məsələsi gündəliyə daxil ediləcək və hakim partiyanın deputatları "onu dəstəkləmək niyyətindədirlər".

Bu həftə sonu Macarıstanın Baş naziri Viktor Orban bildirib ki, parlament bu məsələyə fevralın 26-da baxacaq. Səsvermə İsveçin NATO-ya daxil olmasının Finlandiya ilə müqayisədə təxminən bir il gecikməsinə son qoymalıdır. Əvvəlcə Budapeşt söz vermişdi ki, İsveçin üzvlüyünü ratifikasiya edən sonuncu olmayacaq, amma praktikada Türkiyədə bu proses daha tez başa çatıb.

Oxuməni.az