Putin Kim Çen Ina rus avtomobili hədiyyə edib

20 Fevral 12:11

Bəyəndim (0) Bəyənmədim (0)

Rusiya prezidenti Vladimir Putin Şimali Koreya lideri Kim Çen Ina Rusiya istehsalı olan avtomobil hədiyyə edib, Koreya Mərkəzi Xəbər Agentliyi (KCNA) bildirib. Avtomobilin markası və modeli göstərilmir.

KCNA-nın məlumatına görə, hədiyyəni Şimali Koreya liderinin bacısı, Koreya Fəhlə Partiyası Mərkəzi Komitəsinin şöbə müdirinin müavini Kim Yo Çenq və Mərkəzi Komitənin katibi Park Çonq Çon götürüb. Kim Çen Inın bacısının sözlərinə görə, Vladimir Putinin hədiyyəsi ölkə liderləri arasında “xüsusi dostluq münasibətlərinin sübutu kimi xidmət edir”.

Yanvar ayında Şimali Koreya hakimiyyəti Vladimir Putinin Şimali Koreyanın xarici işlər naziri Çoi Sonq Hui ilə söhbətində yaxın vaxtlarda Pxenyana səfər etməyə hazır olduğunu bildirmişdi. Rusiya prezidentinin mətbuat katibi Dmitri Peskov bildirib ki, Kreml Putinin KXDR-ə səfərinin “yaxın gələcəkdə” baş tutacağına ümid edir. Tarixlər diplomatik kanallar vasitəsilə razılaşdırılacaq.

Oxuməni.az