İsrail ordusu Rəfaha zərbələr endirib və iki girovu azad edib

İsrail ordusu Qəzza zolağının cənubundakı Rəfahda Fələstinin "Həmas" qruplaşmasının hədəflərinə bir sıra hava zərbələri endirib. Bu barədə İsrail ordusu nümayəndələri bildiriblər. Regional media son günlər zərbələr nəticəsində yüz nəfərin öldüyünü bildirib.

Beynəlxalq ictimaiyyət yüz minlərlə fələstinlinin yerləşdiyi Rəfahda quru əməliyyatının qəbuledilməzliyi ilə bağlı İsrailə xəbərdarlıq edir. Bununla belə, İsrail bu hərəkətlərin ölkənin təhlükəsizliyi üçün həyati əhəmiyyət daşıdığını təkid edir.

ABŞ prezidenti Co Bayden artıq İsrailin Qəzza zolağındakı hərəkətlərini “həddindən artıq” adlandırıb. Bazar günü o, Netanyahuya zəng edərək, mülki əhalinin təhlükəsizliyini təmin etmək üçün dəqiq bir plan hazırlamadan Rəfahı işğal etməmək barədə xəbərdarlıq edib. Yardım agentlikləri insanların gedəcək yerləri olmadığı üçün evakuasiyanın mümkün olmadığını deyir.
Anklavın cənubunda hava zərbələri endirilməsi ilə bağlı xəbərlər fonunda, İsrail ordusu Rəfahdakı reyd zamanı iki israilli əsirinin azad edildiyini açıqlayıb.

Oxuməni.az