Seneqalda polislə etirazçılar arasında kütləvi toqquşmalar başlayıb

Seneqalda prezident seçkilərinin təxirə salınmasına etiraz olaraq polislə etirazçılar arasında kütləvi toqquşmalar başlayıb.
“The Guardian”ın fevralın 10-da yazdığına görə, Seneqalda prezident seçkilərinin təxirə salınmasına qarşı keçirilən kütləvi etirazlar iğtişaşlara və polislə toqquşmalara çevrilib. S

İğtişaşlar ölkənin paytaxtı Dakar və digər şəhərləri əhatə edib. Dakarda polis izdihamı idarə etmək üçün gözyaşardıcı qaz, rezin güllələr və səs-küylü qumbaralardan istifadə etməli olub. Ölkənin şimalındakı Sen-Luis şəhərində ilkin məlumata görə, bir tələbə polislə toqquşmada ölüb. Dakar küçələri yanan təkərlərdən yaranan tüstü ilə dolub, etirazçılar yolları bağlayıb. Kütləvi mitinqlər ölkənin digər şəhərlərində də keçirilib.

Qərbi Afrikanın ən sakit ölkələrindən biri olan Seneqalda etirazlar hazırkı prezident Maki Sallin fevralın 25-nə təyin edilmiş prezident seçkilərinin qeyri-müəyyən müddətə təxirə salındığını elan etməsindən sonra alovlanıb. Müxalifət siyasətçiləri bu qərarı çevriliş və hakimiyyətin qanunsuz ələ keçirilməsi adlandırıblar. Seneqallı etirazçılar Dakar küçələrində “Maki Sall diktatordur” şüarını səsləndirirlər. Prezidentin özü deyib ki, o, seçkiləri “seçki prosesinin bütövlüyünü şübhə altına almaqla təhdid edən” namizədlər siyahısı ilə bağlı problemlərə görə təxirə salıb.

Oxuməni.az
​