Çaylarda suyun səviyyəsinin artması daşqın riskini artırır

Almaniyanın Aşağı Saksoniya əyalətində davam edən yağışların çayların su səviyyəsinin yüksəlməsinə səbəb olduğu və bir çox bölgədə daşqın təhlükəsinin artdığı bildirilib.

Ölkə mətbuatında yer alan xəbərlərə görə, ştatda davam edən yağışlar daşqınlara, dərə və çaylarda suyun səviyyəsinin artmasına, bəndlərin dolmasına səbəb olub.

Bölgədə xilasetmə qrupları, Alman Texniki Yardım Agentliyi qrupları və könüllülər qum torbaları yerləşdirərək sel və daşqınlara qarşı tədbir almağa çalışır. Federal Polis Agentliyinin və Almaniya Hərbi Dəniz Qüvvələrinin iki helikopteri də bölgədə növbətçilik edir.

Federal Polis Agentliyinə bağlı helikopter bəndləri gücləndirmək üçün böyük qum torbaları daşıdığı halda, Hərbi Dəniz Qüvvələrinə bağlı helikopter bölgədəki vəziyyəti müəyyən etmək üçün istifadə olunur.

Digər tərəfdən, sel səbəbiylə bir çox magistral yollar nəqliyyata bağlanıb. Yerin yumşalması səbəbindən bəndlərin suyu saxlaya bilməyəcəyi və bunun da daşqın riskini artırdığı vurğulanır.

Almaniya Meteorologiya İdarəsinin verdiyi açıqlamada, bu gün Aşağı Saksoniyada fırtına və leysan yağışının gözlənildiyi bildirilib.

Oxuməni.az