Hərbi əməliyyatlar nəticəsində ölənlərin sayı 21,1 min nəfərə yüksəlib

28 Dekabr 2023 09:55

Bəyəndim (0) Bəyənmədim (0)

Qəzza Səhiyyə Nazirliyi müharibənin başlamasından bu yana 21 mindən çox insanın öldüyünü bildirib.

Oktyabrın 7-dən Qəzza zolağında hərbi əməliyyatlar nəticəsində ölənlərin sayı 21,1 min nəfərə yüksəlib, son 24 saat ərzində 195 nəfər ölüb, Səhiyyə Nazirliyi bildirib.

Departamentin məlumatına görə, İsraillə Fələstinin HƏMAS hərəkatı arasında gedən müharibə zamanı 55,2 min nəfər yaralanıb.

Qəzza Səhiyyə Nazirliyinin Teleqram kanalında dərc olunan mesajında İsrail ordusunun Nasser tibb kompleksinin yerləşdiyi bölgəyə hücumlarını intensivləşdirdiyi qeyd olunub. “Əş-Şifa xəstəxanası ilə baş verən ssenarinin onunla təkrarlanmasından qorxuruq. Biz beynəlxalq təşkilatları tibb kompleksinin, onun personalının, yaralıların, xəstələrin və minlərlə məcburi köçkünün qorunması üçün təsirli və təxirəsalınmaz tədbirlər görməyə çağırırıq”, - deyə məlumatda bildirilir.

Oxuməni.az