İlk türk kosmos səyahətçisinin uçuş tarixi təxirə salınıb

26 Dekabr 2023 10:10

Bəyəndim (0) Bəyənmədim (0)

Türkiyənin ilk insanlı kosmik missiyasının baş tutacağı vaxt təxirə salınıb. Sənaye və Texnologiya naziri Mehmet Fatih Kaçır türk kosmos səyahətçisi Alper Gezeravcının kosmosa getmə tarixinin 2024-cü il yanvarın 17-nə təxirə salındığını açıqlayıb.

ABŞ Aviasiya və Kosmik Agentliyinin (NASA) paylaşımına istinadən, sənaye və texnologiya naziri Mehmet Fatih Kaçır sosial media hesabında açıqlama verib.

Türkiyənin ilk kosmos səyyahı Gezeravcının da iştirak edəcəyi «Ax3» missiyasının əlverişsiz hava şəraiti və «SpaceX» planlarında dəyişikliklər səbəbiylə 17 yanvar 2024-cü il tarixinə təxirə salındığını bildirən Kaçır, “Maraqlı səyahət üçün bir az daha səbirli olmalıyıq" - deyə bildirib.

Oxuməni.az