Respublikaçılar və Demokratlar arasında Ukraynaya yardımla bağlı razılaşma olmayacaq

20 Dekabr 2023 12:17

Bəyəndim (0) Bəyənmədim (0)

ABŞ Senatı bu həftə Ukraynaya yeni yardımın ayrılmasını dəstəkləmək üçün immiqrasiya qanunlarının sərtləşdirilməsi və sərhədin qorunması ilə bağlı razılaşmanı yekunlaşdırmayacaq və bu məsələyə səs verməyəcək.

Bunu demokratlarla danışıqlarda Respublikaçılar Partiyasına rəhbərlik edən senator Ceyms Lankford deyib.

Senator vurğulayıb ki, saziş üzərində iş tamamlanana qədər davam edəcək və qanunvericilər mətni tam yekunlaşdırmaq üçün yanvarda bu məsələyə qayıdacaqlar.

Senatın müzakirəçiləri hər gün bir araya gələrək, Nümayəndələr Palatasının və Senatın respublikaçılarının Ukrayna və İsrailə dəstəyi də əhatə edən əlavə 106 milyard dollarlıq yardım paketinin keçməsi şərti olaraq tələb etdikləri sərhəd təhlükəsizliyi tədbirləri ilə bağlı razılığa gəlməyə çalışırlar.

Oxuməni.az