İsrail səfiri: Rusiya vətəndaşlığı olan üç nəfər Həmas tərəfindən girov olaraq qalır

19 Dekabr 2023 15:42

Bəyəndim (0) Bəyənmədim (0)

Fələstinin HƏMAS hərəkatının əsirliyində 130-a yaxın girov qalır, İsrailin Rusiyadakı səfiri Aleksandr Ben Zvi bildirib. Onun sözlərinə görə, girovlar arasında Rusiya vətəndaşlığı olan üç nəfər də var.

“Düşünürəm ki, İsrail vətəndaşlığı olmayan 11 nəfər başqa ölkə vətəndaşı var. Onların bəzilərinin Rusiya vətəndaşlığı var, mənim fikrimcə, onlar üç nəfərdir, səfir “Rossiya 24” telekanalının efirində bildirib

İsrail və HƏMAS arasında müharibə oktyabrın 7-dən davam edir.

Noyabrın 22-də tərəflər müvəqqəti atəşkəs, o cümlədən girovların azad edilməsi barədə razılığa gəliblər, saziş bir neçə dəfə uzadılıb.

Dünən, dekabrın 18-də Rusiya Fövqəladə Hallar Nazirliyi Qəzza zolağından rusların təxliyəsi üzrə əməliyyatın başa çatdığını elan edib. İki ay ərzində münaqişə zonasından Rusiyaya 1124 nəfər gətirilib.

Oxuməni.az