2024-cü ildə Özbəkistanda Elektomobil zavodu istifadəyə veriləcək

Özbəkistan prezidenti Şavkat Mirziyoyev “Uzavtosanoat” (“Uzavtoprom”) səhmdar cəmiyyətinin rəhbərliyinə avtomobillərin maya dəyərinin aşağı salınması və elektromobillərin istehsalının yaradılması ilə bağlı tapşırıqlar verib. Dövlət başçısının mətbuat xidməti xəbər verir ki, bu barədə avtomobil və kənd təsərrüfatı maşınqayırmasının inkişafı ilə bağlı təkliflərin təqdimatında müzakirə olunub.

Sənaye şirkətlərinin və aidiyyəti idarələrin nümayəndələrinin iştirakı ilə keçirilən görüşdə bazarda avtomobillərə tələbatın yüksək olduğu, istehsalçılar arasında rəqabətin artdığı bildirilib.

Mirziyoyev yeni məhsulların - elektromobillərin istehsalının zəruriliyinə diqqət çəkib.

“Əgər yerli müəssisələr bu sahəni inkişaf etdirməkdə tərəddüd edərlərsə, gələcəkdə bazarda layiqli yer tutmaqda çətinlik çəkəcəklər”, - deyə prezident qeyd edib.
Lakin təqdimatda deyildiyi kimi, bu istiqamətdə ilk layihələrə artıq start verilib. Belə ki,

2024-cü ildə ildə on minə qədər elektrik avtomobili istehsal edə bilən zavodun işə salınması planlaşdırılır.

Prezident bu tapşırıqlarla yanaşı, səhmdar cəmiyyətin rəhbərliyinə istehsal həcminin artırılması ilə bağlı tapşırıqlar verib. Xüsusilə, 2030-cu ilədək minik avtomobillərinin istehsalını ildə bir milyon ədədə çatdırmaq tapşırılıb.
Təqdimat zamanı logistika ilə bağlı problemlərə baxmayaraq, son vaxtlar istehsal həcmini 3 dəfə artıran yerli avtomobil sənayesinin nailiyyətləri vurğulanıb. Bu ilin sonuna qədər Özbəkistanın ümumilikdə 415 min avtomobil istehsal edəcəyi gözlənilir.

Rəsmilərin əlavə etdiyi kimi, dövlət inhisarına qarşı mübarizə məqsədilə ölkəyə üç yeni özəl istehsalçı və nüfuzlu qlobal brendlər cəlb edilib. Belə ki, bu gün Özbəkistanda səkkiz zavod onlarla növ avtomobil, yük və sərnişin daşıma, kənd təsərrüfatı və xüsusi texnika istehsal edir.
Kənd təsərrüfatı mühəndisliyi məsələsinə də toxunulub. Bildirilib ki, bu il 3,5 min ədəd texnika istehsal edilib. Çirçikdə ildə 15 min traktor, qoşqu və digər texnika istehsal gücünə malik sənaye klasteri yaradılmışdır. Bununla belə, satış sistemi “axsaqdır” və ona yenidən baxılacaq və buna görə də məsul şəxslərə fermerləri yerli məhsul almağa həvəsləndirmək üçün tədbirlər hazırlamaq tapşırılıb.

Bundan başqa, traktorların lokallaşdırılması səviyyəsinin 35 faizə, asılmış texnika və qoşquların 60 faizə çatdırılması vəzifəsi qoyulub. Belə ki, 2030-cu ilə qədər bu sahədə illik istehsal həcminin 16 min ədədə çatdırılması planlaşdırılır.

Oxuməni.az