Britaniyanın Ekvadordakı fəxri konsulu qaçırılıb

17 Dekabr 2023 14:17

Bəyəndim (0) Bəyənmədim (0)

İş adamı və Böyük Britaniyanın Quayakildəki fəxri konsulu Kolin Armstronq Ekvadorda qaçırılıb. Bu barədə şənbə, dekabrın 16-da Reuters agentliyi məlumat yayıb.

Nəşr iddia edir ki, oğurluq səhər tezdən Ekvadorun Los Rios əyalətində baş verib. X sosial media saytında yayımlanan açıqlamada polis iş adamına qarşı iddia edilən cinayəti araşdırdıqlarını bildirib.

Konsulla birlikdə daha bir nəfər qaçırılıb.

“Böyük Britaniya Xarici İşlər və İnkişaf Departamenti verdiyi açıqlamada britaniyalının yoxa çıxmasından sonra səlahiyyətlilərlə əlaqə saxladığını, lakin onun şəxsiyyətini və ya potensial cinayətin yerini təsdiq etmədiyini bildirib”, - nəşr bildirib.

Avqustun 9-da Ekvador prezidentliyinə namizəd Fernando Villavisensionun qətlə yetirilməsi barədə məlumat yayılıb. Siyasətçi Kitoda keçirilən mitinqdə başından üç güllə yarası alıb. Ölkədə fövqəladə vəziyyət elan edilib.

Oxuməni.az