Rusiya-Ukrayna cəbhəsində şiddətli döyüşlər davam edir

13 Dekabr 2023 12:29

Bəyəndim (0) Bəyənmədim (0)

Son 24 saat ərzində Ukrayna Silahlı Qüvvələri Avdeyevka istiqamətində Rusiyanın 50-dən çox hücumunu dəf edib. Son 24 saat ərzində cəbhə xəttində 95 hərbi toqquşma baş verib. Bu barədə Ukrayna Baş Qərargahının səhər hesabatında məlumat verilib.

“Avdeyevka istiqamətində ukraynalı müdafiəçilər şəhəri mühasirəyə almaq cəhdlərindən əl çəkməyən düşmənin hücumlarını uğurla dəf edtməkdədirlər... Müdafiə qüvvələri düşmənin 51 hücumunu uğurla dəf edib”,-deyə Ukrayna Silahlı Qüvvələrinin Baş Qərargahı bildirib.

Kupyanski istiqamətində ukraynalı müdafiəçilər səkkiz, Baxmut istiqamətində rusların beş hücumunu dəf etdilər. Hesabatda deyilir ki, Ukrayna müdafiə qüvvələri əldə edilmiş mövqeləri möhkəmləndirir.

Ukrayna Silahlı Qüvvələrinin Baş Qərargahı Liman, Zaporojye və Melitopol istiqamətlərində hərbi əməliyyatlar barədə də məlumat yayıb.

Oxuməni.az